Hamza Namira
كلمات البوم انسان
1- انسان
============
ياما نفسى اعيش انسان قلبه على كفه
كل اللى بردانين فى كفوفه يتدفوا
يضحك يضحك خلق الله
يفرح يفرح كله معاه
انسان ... جواك وجوايا
انسان ... له حلم له غايه
اللى معاه على طول مش ليه
ولا حته روحه ملك ايديه
جواه فى قلبه ونن عينيه
شايل امل وشروق وحياه
انسان بيحب ولا يكره
انسان شايل امل بكره
بيبان فى الشده ويطمن
ولا خان ولا عمره هيخون
انسان
================================
2- الميدان
========
كنا مش حاسين بقيمه
والامل موضه قديمه
بس فى ثانيه افتكرنا
ان بلادنا دى عظيمه
ارفع راسك انت مصرى
انت واحد من اللى نزلو فى الميدان
انت وقفت جنب جارك فى اللجان
انت رجعت المصرى بتاع زمان
شايف الدنيا بشكل تانى
السما صافيه سامع اغانى
واللى اتغير فياهو
طعم الحريه فــ لسانى
بيقولوا مصر هرم ونيل
وبينسوا المصرى الاصيل
اللى ساعه الجد دايما
يقدر يعمل مستحيل
ارفع راسك انت مصرى
===============
3- هنسى
========
شايفه العين ... ايام حلوه وايام قاسيين
تبعدى سنين وسنين
مالهاش مرسى
شيئ معروف ... دا اللى ياما وياما يشوف
ياقلبى فى اى ظروف
لازم تنسى
هنسى احزانى
هفرح دى الفرحه بجد لسه وحشانى
فيها ايه لو تبقى لحظه حلوه واخدانى
يادنيا روقى عشانى من تانى
انسى وعيش .... اللى راح ده كان لازم مايجيش
مهما كان الحياه ماتساويش
تفضل زعلان
واحزن ليه ... حد يختار النار بايديه
كان فادنى يعنى بايه
كتر الاحزان
واهى دايره ... الدنيا علينا
ولاكان بايدينا
اللى بنلقاه
ويادنيا ... مهما تعاندينى او تتحدينى
هفضل اقوى وهنسى
===============
4- التغريبه 2 ( تذكرتى )
===============
طعم البعاد صبار
والغربه ليل بهتان
ياقلبى يا موجوع
اياك تكون قلقان
لو طالت المسافات
انا والامل اخوات
وتالتنا كان الليل
ده انا ليا فيها النيل
وليها فيا الروح
ماخترتش انى اروح
مانا جوعى كان كفران
ملعون ابوك يا طموح
اخرك تشوفلى كفيل
لكنى مش قلقان
تذكرتى رايح جى
انا مش فى بلدى عويل
لكنى مش بتشاف
زهره سنينى عجاف
مع انى ليا عزيز
افتونى فى رؤياي
لموا الامانى ازاى
حطوها على الباسبور
احلامى صبحت بور
ممنوع عليها الضئ
لكنى مش قلقان
تذكرتى رايح جى
البعد عنك خوف
وانا على الرجوع ملهوف
لكنى هعود ازاى
ومكانى كله ضيوف
ياقلبى ياموجوع
يا اهه حاضنه دموع
حب البلد بيعيش
لما يموت الجوع
ياحضن بيساعنى
واحتجت له وباعنى
ساعه مامد ايديه
شاور وودعنى
لكنى مش قلقان
تذكرتى رايح جى
===============
5- يا مهون
=======
يامهون المشاوير
يامقرب البعيد
وصلنا بالسلامه
وجمعنا من جديد
يامبدر فى الوابور
يجعل فى صباحك نور
يفتحلك كل طريق
ويارب تعود منصور
ياما من الاحول
الراحه ماهيش بالمال
انا عندى بات مستور
والصحه عال العال
ماتروق يابو حسين
قوم وامسح دمع العين
بكره الغايب هيعود
والفرحه هتبقا اثنين
ياحنين على الغلابه
وحبيبك النبى
ياحارسنا من الديابه
ومن ظلم الاجنبى
يا مهون ...
===============
6- اوعدونى
=======
لفيت كتير خفت المصير
اللى انتهاله ناس كتير
القاه انا
فى الدنيا ليه دايما نهايه محزنه
جوايا خوف ... من كلمه الظروف
تبقى طريق ... للوحده تذلنا
اوعدونى ... تبقوا جنبى تطمنونى
اوعدونى ... مهما كان مش هتسيبونى
يوم ما اروح ... والدنيا تدراينى
والوحده تنادينى ... زورونى مره كل عيد
اشوفكوا حتى من بعيد
اوعدونى لو يوم لقيت ... نفسى انحنيت
واحتجت من ضعفى بلاش تتأخروا
الناس تغيب ... بس انتو لازم تفضلوا
خايف اكون ... فى الدنيا وحيد
عمرى يهون ... اضيع وانتو بعيد
اوعدونى ..
===============
7- ابن الوطن
========
يا ابن الوطن والنيل
كلك اسئ وجروح
دمع الجرس بيسيل
صوت الادان مجروح
ايه اللى غيرنا
غيب ضمايرنا
ومين فى قلب الليل
فرق مصايرنا
داحنا مصير واحد
زى البدن والروح
لسه بامكانك
تتحدى احزانك
ده انا همى من همك
وبيتى عنوانك
حلم القلوب واحد
حضن الوطن مفتوح
يا ابن الوطن ...
===============
8- يا هناه !
======
مين قال العلام
فى بلادنا قديم
لا داحنا تمام
اه والله العظيم
سلاح التلميذ
موجز ولذيذ
نماذج اجابات
مافيهاش تحفيظ
ابله عطيات
بتاعه الدراسات
هتغيب اسبوع
هيصوا ياولاد
يونيفورم جنان
شغل ستاير
والياقه ساتان
دايرن داير
استاذ عصفور
ده الامبراطور
لو علمى علوم
عديت فورشور
قالوا فى اوروبا العلام
جامد اوى فى السليم
معلش بقا فى الكلام
داحنا الجديد والقديم
ده علينا فصول
سيراميك بالطول
والحمام ايه
دايما مغسول
والكل اخوات
فى الامتحانات
وسؤال بسؤال
خد منى وهات
والناظر ياه
بلسم يا ولاده
واخر محبوب
لله فـ الله
رزقك موجود
رغم الشهادات
وباذان الله
مندوب مبيعات
والوضع جميل
انا متفائل
عندنا هتشوف
مستوى هايل
لو شوفت زبون
خطوته جايباه
قلبه دليله
سيبو على عماه
ياهناه ... يا هناه
اللى يتعلم عندنا ..!
===============
9- دورى
======
الايام زى امتحان
والنتايج بالميزان
كل واحد ليه معاد
لما بيأوون الاوان
واللى طالع فيها فوق
واللى طامع فى الحقوق
بكره يجى اليوم يفوق
دى الحياه داين تدان
واللى ظلم الناس فى ايده
ماشى متعكز عليه
دورى يا دنيا عليه
وريه بعنيه
وقولى له محال الحال
يدوم لو هو ايه
ده العمر حساب فى كتاب
يشوف مكتوب له ايه
دنيا تلاهى تمللى تدور
دنيا ملاهى ومش بالدور
واللى بيشبط فيها بيحلم
امتى تحن وياخد دور
بس هيعلى لغايه فين
برضه هينزل لكن فين
لما يشوف الناس من فوق
غيره بيجى عليه الدور
بالايام اتغطى وناسى
ان ساعتها بتعريه
دورى يا دنيا عليه
قلب لكل الناس مفتوح
راضى برزقه وبالمسموح
تبتسم ايامه وتحلى
علشان هى حلاوه روح
لكن وقت ما يطمع فيها
حتى ترابها ما يملى عنيه
دورى يا دنيا عليه ..!
===============
10- حاصر حصارك
=========
حاصر حصارك
انتصارك بكره جى
اكيد نهارك
يملا قلب الضلمه ضى
حاصر حصارك
واصل مسيرك
وارسم بقلبك
خطوط مصيرك
اهزم سكوتنا
واتحدى موتنا
يصبح السجان اسيرك
حاصر خضوعنا
حاصر دموعنا
والذل فينا
لما ركعنا
اكشف طريقنا
ومين صديقنا
وازاى بكل سهوله بعنا
انتصارك بكره جى
طول مانت فيك النبض حى
انتصارك بكره جى ..!
===============
11- على باب الله
=========
على باب الله
راضى بكل حال
على باب الله
عمر ماقلبى شال
ماتعودتش اسيب
لبكره فى يوم مجال
ماتعودتش اشوف
فى الناس غير الجمال
وبسامح مهما قالو
ولا اشيل لوحتى شالوا
سيب اللى يقول ومالو
مش زعلان من اللى قال
لو واحد يوم جرحنى
بكلمه مابجرحوش
وبقول دايما ما يمكن
مش قصده ما تظلموش
عملت ايه الملامه
اتعلم الابتسامه
لو شايله قلوبنا ياما
سيبنا لمين الاحتمال ؟
على باب الله
راضى بكل حال
===============
12- الوشوش
=======
كترت بينا الوشوش
قلت بينا الامانه
ياه على البراءه حوش
مابقاش ياكل معانا
حافظين الدمعتين
فما تعملوش حزانا
طب ايه ما بتختشوش
بارديت اوى بامانه
اللى يغير فى كلامه
يبقى صغير
اللى يدوس على ناسه
فى ثانيه ويتغير
بعد ما بان على اصله
لسه بيتصور
يرجع يلاقى فرحتنا بيه
مش سايعانا
لا بنقول له معلشى بقى
وكان على عيننا
كان نفسنا فعلا نلقاك
مكان بينا
لازم يفهم جدا
انه اللى يسيبنا
ما يجيش وقت ما يبقى
بيغرق يعمل حبيبنا
اللى فضل يتمسكن ياما
وياما لحد ما طال
شايفه ينفع يبقا ممثل
هايل مش بطال
ساعه معانا وساعه
تانيه يبقى معاهم
كل شويه يغير شكله
مش راسى على حال
اتطمن يا حبيبى اتطمن
كلنا فاهمين
يلا بقى اخلع الله يحنن
ماحناش عايزين
رافضين معلش جنابك
اصلنا مجانين
الكداب بيبان لو مهما
طال المطال ...!
===============
13- هيلا هيلا
===========
هيلا هيلا يا مطر
اغسلى اوراق الشجر
الحلم مثل الورد يكبر
والهلال يصبح قمر
ادخلى بيوت القصب
واسقى ازهار الغضب
وخبرى دمعه بلادى
ان ماسحها حضر
قطره قطره على الدروب
غنى لعطش القلوب
وماتخافى السحاب يا حره
الصفو من بعد الكدر
ضمينى وبليلى ريقى
وغطى بلحافك رفيقى
مهما عثر فى طريقى
المسيره تستمر
===============
14- اسمى مصر
==========
يا اسرائيل
انا مش حكومه ومش نظام
ومانيش لسان حافظ كلام
حواليه بوليس يضرب سلام
انا كلمه يمكن عمرها عمر البشر
عام بعام
يا اسرائيل انا ابنى مات
لما مات معنى السلام
واترمى وسط الحطام
لما صابه سهم غادر
سهر مفلوت الزمام
يا اسرائيل
ما بقولش ابدا ده حرام
لكنى بقول ان اللى مات
صاحى فى مكانه
فى بيت لحم ... فى الخليل .... فى لبنان
واقف هناك لو تسمعوه
تسمعوه بيقول محال
بيقول محال هتهون علينا
خضره او بحر ورمال
عارفه قبله ابقى مين ؟
ابقى كلمه كل عصر
اسمى ايه وبكل فخر
اسمى اعظم اسمى
اسمى ...
اسمى مصر
ليست هناك تعليقات:
إرسال تعليق